BAPSના વરિષ્ઠ સંત પૂ. ઘનશ્યામચરણ સ્વામી લંડનની મુલાકાતે

BAPS સંસ્થાના વરિષ્ઠ સંત પૂ. ઘનશ્યામચરણ સ્વામી તેમની નોર્થ અમેરિકાની મુલાકાત પહેલા શુક્રવાર તા. ૨૭ના રોજ લંડનની મુલાકાતે પધારી રહ્યા છે અને લંડનમાં સત્સંગનો લાભ આપીને તેઅો તા. ૧ મે મંગળવારે કેનેડા જવા રવાના થશે. તેઅો પરત થતી વખતે નવેમ્બર માસમાં પણ લંડન ખાતે રોકાણ કરશે.

પૂ. ઘનશ્યામચરણ સ્વામી શનિવાર તા. ૨૮-૪-૧૮ના રોજ નીસડન સ્થિત BAPS શ્રી સ્વામીનારાયણ મંદિર ખાતે સાંજે ૫ કલાકે યુવક – યુવતી મંડળ, સાંજે ૫-૧૫ શીશુ મંડળ, સાંજે ૭-૧૦ કલાકે કિશોરી મંડળ, બાલ બાલિકા મંડળ, સંયુક્ત મંડળની સભાને સંબોધન કરશે.

રવિવાર તા. ૨૯-૪-૧૮ના રોજ પૂ. સ્વામી શ્રી એન્યુઅલ ટેન કે ચેલેન્જ કાર્યક્રમમાં ગિબ્સન ગ્રાઉન્ડ ખાતે ઉપસ્થિત રહેશે. જેની નોંધણી ૮ કલાકે અને ચેલેન્જની શરૂઆત ૯ કલાકે થશે. તે પછી બપોરે ૧ કલાકે ફેમીલી ફન ડે થશે. પૂ. સ્વામી શ્રી નીસડન મંદિર ખાતે સાંજે ૫થી ૭ સભાને પણ સંબોધીત કરશે.