ઓસ્ટ્રેલિયાના ન્યૂ સાઉથ વેલ્સમાં રહેતી એબરને ટેટુ કરાવવાની ઘેલછા કક્ષાનો શોખ છે. તેમણે પોતાના શરીર પર ૨૦૦થી વધારે ટેટુ બનાવ્યા છે. એબરને ટેટુમેકિંગની દુનિયામાં ‘ડ્રેગન ગર્લ’ના નામથી ઓળખવામાં આવે છે. જોકે ટેટુ કરાવવાનું ઝનૂન તેમના માટે હાલમાં ખતરનાક સાબિત થઈ રહ્યું છે.
તાજેતરના એહેવાલો પ્રમાણે, થોડા સમય પહેલાં એબરે આંખમાં ટેટુ કરાવ્યું હતું. આંખમાં ટેટુ કરાવ્યા બાદ તેણે આંખની રોશની ગુમાવી દેવાનો વારો આવ્યો છે. આંખમાં ટેટુ બનાવવા તેમણે ૨૬૦૦૦ ડોલર એટલે કે અંદાજે રૂ. ૧૮.૩૭ લાખનો ખર્ચ કર્યો હતો. સફેદ આંખને તેઓ વાદળી રંગની બનાવવા ઇચ્છતી હતી. જોકે તેમની દુનિયા રંગહીન થઈ ગઈ છે અને તેઓ પોતાની સારવાર માટે પ્રયત્ન કરી રહી છે.
