વાળને લગતી અનેક સમસ્યા આપણને સતાવતી હોય છે. એમાં એપલ સાઈડર વિનેગર ફાયદાકારક છે. એપલ સાઈડર વિનેગર શુષ્ક અને નિસ્તેજ વાળને ચમકદાર બનાવવવાની ક્ષમતા ધરાવે છે. સ્કાલ્પના સ્વાસ્થ્યને રિસ્ટોર કરવાનું અને ડેમેજ વાળને રિવાઈવ કરવાનું કામ એપલ સાઈડર વિનેગર કરે છે. જોકે, એક વાત ખાસ નોંધી લેશો કે તેનો સીધો ઉપયોગ કરવાથી સ્કાલ્પમાં બળતરા અને હેર લોક્સ ડ્રાય થઇ જાય છે. વાળમાં એપલ સાઇડર વિનેગરનો ઉપયોગ કઈ રીતે કરી શકાય એ જાણીએ.
વાળમાં ઉપયોગ કરતાં પહેલાં વિનેગરને ડાઇલ્યૂટ કરવું જરૂરી છે. આ માટે એક મોટો ચમચો વિનેગર લો તો તેમાં કરતાં પાંચથી છ ચમચા પાણીમાં મિક્સ કરો. આ પછી તેને બરાબર મિક્સ કરીને એવું સોલ્યુશન બનાવો જેને વાળમાં નાખી શકો. એનો ઉપયોગ કરતા પહેલાં વાળમાં શેમ્પૂ અને કન્ડિશનર કરી લો. પછી એપલ સાઇડર વિનેગરના સોલ્યુશનને વાળમાં લગાવો. થોડી મિનિટ સુધી લગાવી રાખ્યા બાદ વાળને સાદા પાણીથી ધોઇ લો. આ મિશ્રણ વાળમાં લગાવવાથી શું ફાયદા થાય છે?
• વાળ તૂટતા નથીઃ જ્યારે વાળ ક્ષારયુક્ત હોય છે અને સામાન્ય રીતે એમાં વધારે પીએચ સ્તર હોય છે તો વાળ તૂટવાની શક્યતાઓ વધી જાય છે. એપલ સાઇડર વિનેગર વાળના પીએચ સ્તરને સંતુલિત રાખે છે, જેથી વાળ ઓછા તૂટે છે અને વાળના હેલ્થમાં સુધારો થાય છે.
• ફિઝી લુકમાંથી મુક્તિઃ ડ્રાય હેરમાં જાણે ગૂંચ થઈ ગઈ હોય એવું લાગે છે. આ સંજોગોમાં વાળને હાઈડ્રેશનની સખત જરૂર હોય છે. ફિઝી હેરમાંથી છુટકારો મેળવવા માટે એપલ સાઇડર વિનેગર મદદ કરી શકે છે, કારણ કે એમાં એસિટિક એસિડ હોય છે, જે ડ્રાયનેસને રોકવાનું અને ફિઝી હેરમાંથી છુટકારો અપાવવાનું કામ કરે છે. એપલ સાઈડર વિનેગરે બધા જ પ્રકારના વાળને ડ્રાય હેરની સમસ્યામાંથી મુક્તિ અપાવે છે.
• વાળમાં ચમકઃ જો તમે ડલ અને બરછટ વાળની સમસ્યાથી પરેશાન હો તો વાળને સરળતાથી રિવાઇવ કરવા એપલ સાઇડર વિનેગરનો ઉપયોગ કરો. એ વાળના કયૂટિકલ્સને બંધ કરવામાં અને વાળને સ્મૂધ કરવામાં મેનેજ કરે છે, જેથી વાળ શાઈન કરે છે.
• સ્કાલ્પને સ્વચ્છ રાખેઃ એપલ સાઇડર વિનેગરમાં એન્ટિ બેક્ટેરિયલ અને એન્ટિ ફંગલ બંને ગુણ હોય છે, તેથી સ્કાલ્પના પીએચ સ્તરને સંતુલિત કરવામાં મદદ કરે છે. આ રીતે ડેન્ડ્રફ ઓછા કરે છે. સ્કાલ્પ ઓઈલી હોવાને કારણે ડેન્ડ્રક થવા લાગે છે. એપલ સાઇડર વિનેગર યીસ્ટ, ફંગસ અને બેક્ટેરિયાથી રક્ષણ કરે છે. ડેન્ડ્રક સામે લડી રહેલા લોકો માટે ફાયદાકારક છે.
• ખંજવાળ-બળતરા દૂર કરેઃ સ્કાલ્પ ડ્રાય હોય કે એમાં સોજો હોય તો એપલ સાઇડર વિનેગર બહુ કામનું છે. એમાં રહેલા એન્ટિ ઈન્ફ્લેમેટરી ગુણોને કારણે ખંજવાળ અને બળતરા ઘટાડવાનું કામ કરે છે, જે સ્કાલ્પના પીએચ સ્તરને રિસ્ટોર કરી શકે છે.
