ક્રિસ્પી અનિયન રિંગ્સ

Thursday 29th January 2015 08:11 EST
 
 

સામગ્રીઃ ત્રણ સફેદ કાંદા • ૧૦૦ ગ્રામ મેંદો • બે કપ બ્રેડ-ક્રમ્સ • અડધી ટી-સ્પૂન મરીનો ભૂકો • અડધી ચમચી ગાર્લિક પાઉડર • મીઠું સ્વાદ પ્રમાણે • બે ચમચી કોર્નફ્લોર • ખીરું તૈયાર કરવા થોડુંક દૂધ • તળવા માટે તેલ

રીતઃ સફેદ કાંદા લો. સફેદ કાંદા ન હોય તો રેગ્યુલર કાંદા પણ ચાલે. કાંદાની છાલ કાઢીને એની પાતળી સ્લાઇસ કરી એમાંની રિંગ્સ છૂટી પાડો. હવે એક બાઉલમાં મેંદો, મરીનો ભૂકો, ગાર્લિક પાઉડર, મીઠું તેમ જ કોર્નફ્લોર લઇને જોઈતું દૂધ ઉમેરી એક ઘાટું ખીરું તૈયાર કરો.

હવે એક ફ્લેટ ડિશમાં બ્રેડ-ક્રમ્સ પાથરી દો. એક-એક કાંદાની રિંગ્સ લઇ તૈયાર કરેલા ખીરામાં ડિપ કરો. અને ત્યાર પછી પાથરેલા બ્રેડ-ક્રમ્સમાં રગદોળીને ગરમ તેલમાં ગોલ્ડન બ્રાઉન અને ક્રિસ્પી થાય ત્યાં સુધી તળી લો. સર્વિંગ ડિશમાં ટોમેટો સોસ કે કોથમીરની ચટણી સાથે ગરમાગરમ સર્વ કરો.


comments powered by Disqus



to the free, weekly Gujarat Samachar email newsletter