ફ્રેશ કિવી આઈસ્ક્રીમ

સામગ્રીઃ કિવી ૫-૬ નંગ (સમારેલા) • દૂધ ૧ લીટર • ખાંડ ૧ કપ • મિલ્ક પાવડર ૧/૨ કપ • પીસ્તા કતરણ ૨ ટેબલ સ્પૂન

રીતઃ પેનમાં દૂધને બરાબર ઉકાળો. લગભગ ૧૫-૨૦ મિનિટ ઉકળ્યા બાદ દૂધ અડધા ભાગનું થશે. આ પછી કિવીના ટુકડાની મિક્સીમાં પ્યુરી બનાવો. કિવીની પ્યુરીને ઉકળતા દૂધમાં નાંખીને સતત હલાવતા રહેવું. ૧૨-૧૫ મિનિટ હલાવ્યા બાદ ઠંડુ પડવા દેવું. હવે ૨ ચમચી જેટલું દૂધ લઈને મિલ્ક પાવડરમાં નાંખો અને એકદમ હલાવો. આ પેસ્ટને કિવી-દૂધના મિશ્રણમાં નાંખો. બર્નર બંધ કરો. પછી પણ સતત હલાવતા રહેવું. મિશ્રણ રૂમ ટેમ્પરેચર પર આવે પછી એર-ટાઈટ કન્ટેનરમાં ભરી, ઉપર પીસ્તા કતરણ નાંખીને ફ્રીઝરમાં ૧૨ કલાક માટે સેટ થવા દો. સેટ થયા બાદ કિવીની સ્લાઈઝ સાથે સર્વ કરો.