સામગ્રીઃ • ભીંડા, લાંબા સમારેલા ૨૦૦ ગ્રામ • તેલ ૨-૩ ટેબલસ્પૂન • હિંગ ૧/૪ ટેબલ સ્પૂન • લાલ મરચું ૧ ટેબલસ્પૂન • હળદર ૧/૪ ટેબલ સ્પૂન • મીઠું ટેસ્ટ પ્રમાણે • ડુંગળી ૧ નંગ • ટામેટાં ૧ નંગ • લીલાં મરચાં ૨ નંગ • લસણની કળી ૭-૮ નંગ • આદું ૧ નાનો ટુકડો • દહીં ૧ કપ • ચણાનો લોટ ૨ ટેબલસ્પૂન • ફ્રેશ ક્રીમ ૨ ટેબલસ્પૂન
રીતઃ સૌ પહેલા પેનમાં તેલ ગરમ કરવા મુકી દેવું. હવે તેમાં સમારેલા ભીંડા ૧૦-૧૨ મિનિટ સાંતળો. ભીંડાને એક પ્લેટમાં કાઢી લેવાં. હવે તેલમાં હિંગ, ડુંગળી, ટામેટાં, લીલા મરચાં, આદું, લસણ બધું જ એકદમ બારીક સમારીને નાંખો. ૨ મિનિટ સાંતળી લીધા બાદ તેમાં ચણાનો લોટ ઉમેરો. ધીમા ગેસ પર લોટને શેકી લો. ત્યાર પછી તેમાં દહીં ઉમેરી મિક્સ કરી ૫ મિનિટ હલાવી સાંતળેલા ભીંડા નાંખી મિક્સ કરો. ગેસ બંધ કર્યા પછી તેમાં ફ્રેશ ક્રીમ ઉમેરી ભીંડી મસાલાને પરાઠા કે ભાખરી સાથે સર્વ કરો.