અમેરિકામાં ‘ગોલમાલ અગેઇન’ અને ‘સિમ્બા’ રી-રિલીઝ

કોરોના મહામારીના કારણે દેશ અને દુનિયામાં તમામ ફિલ્મ થીએટર્સને બંધ કરાયા હતા. હવે યુએસએના કેટલાક ચોક્કસ વિસ્તારોમાં થીએટર્સને ફરી શરૂ થયા છે. નવી વાત એ છે કે, રણવીર સિંહ સ્ટારર એક્શન ફિલ્મ ‘સિમ્બા’ અને અજય દેવગનની મલ્ટિસ્ટારર કોમેડી ફિલ્મ ‘ગોલમાલ અગેઇન’ યુએસએમાં ફરીથી રિલીઝ થઈ છે. આ બંને ફિલ્મ્સને ૨૮ ઓગસ્ટે રિ-રિલીઝ કરવામાં આવી હતી. રોહિત શેટ્ટીના ડિરેક્શનમાં તૈયાર કરવામાં આવેલી આ બંને ફિલ્મ્સ વર્જિનિયાના રિગલ વર્જિનિયા સેન્ટર અને રિગલ કન્ટ્રીસાઇડમાં રિલીઝ થઈ. આ પહેલાં આ વર્ષે જુલાઈમાં ન્યૂઝીલેન્ડમાં ‘ગોલમાઇલ અગેઇન’ની રી-રિલીઝની જાહેરાત કરાઇ હતી. ‘ગોલમાલ અગેઇન’માં અજય દેવગન, તુષાર કપૂર, કુણાલ ખેમૂ, શ્રેયસ તલપડે અને અર્શદ વારસી છે જ્યારે ‘સિમ્બા’માં રણવીર સિંહની સાથે સારા અલી ખાન છે.