આર્યન ખાન અને નોરા ફતેહી ડેટિંગ કરે છે?

છેલ્લા ઘણાં દિવસોથી સોશિયલ મીડિયા પર તમન્ના ભાટિયા અને વિજય વર્માની ન્યૂ યર કિસની તસ્વીરો ચર્ચાનો વિષય બની છે. આ વચ્ચે ન્યૂ યર પાર્ટીમાં એક અન્ય સેલેબ્સના ડેટિંગની વાત ચર્ચાના ચોતરે ચઢી છે. આ વાત છે બોલિવૂડના કિંગખાન શાહરુખ ખાનના પુત્ર આર્યન અને બોલિવૂડ એક્ટ્રેસ-ડાન્સર નોરા ફતેહીના ડેટિંગની. આ બંને ન્યૂ યરની ઉજવણી માટે દુબઈ ગયા હોવાના સમાચાર આવતાં જ તેમની વચ્ચે લવ કનેક્શન હોવાની ચર્ચા શરૂ થઈ ગઈ છે. એક તરફ સોશિયલ મીડિયા પર લોકો આ પોસ્ટની મજા લઇ રહ્યા છે તો યુઝર્સનો એક વર્ગ આવી પોસ્ટ કરનારાઓને ખુલ્લાં વિચારનાં બનવાની સલાહ આપી રહ્યા છે. વાસ્તવમાં એક રેડ્ડીટ યુઝરે બે ફોટા શેર કરેલા છે. આ ફોટોમાં નોરા અને આર્યન અલગ-અલગ દેખાય છે, પરંતુ જે ફેન દ્વારા તસવીરો જોડીને શેર કરાઈ છે તેમાં નોરા-આર્યન સાથે દેખાય છે. આ ઉપરાંત દુબઈમાં નોરા ફતેહી અને આર્યન ખાન ન્યૂ યર પાર્ટીમાં સાથે ડીનર કરતાં હોય તેવી તસ્વીર પણ જોવા મળી હતી. બસ પછી શું જોઇએ, અહીંથી જ ઓનલાઈન યુઝર્સે કનેક્શન ગોઠવી નાંખ્યું છે. એક યુઝરે લખ્યું છે કે, એવું સાંભળ્યું છે કે નોરાની કરણ જોહર અને તેના મિત્રોથી નિકટતા અચાનક વધી રહી છે.