કોરોના મહામારીના કારણે લોકોએ એક પછી એક ઘણી મુશ્કેલીઓના સામનો કર્યો છે. કોરોના રોકવા જાહેરજીવનમાં ઘણા પ્રતિબંધો લાગુ થયા અને તેની વિપરિત અસર મનોરંજન જગત પર પણ પડી હતી. જોકે આ દરમિયાન ઓટીટી પ્લેટફોર્મમાં તેજી જોવા મળી છે. જેમાં નવી ઘણી પટકથા લોકોને ખૂબ પસંદ આવી છે. હવે ફિલ્મફેર દ્વારા ૨૦૨૧ના ઓટીટી એવોર્ડની ઘોષણા કરવામાં આવી છે, જેમાં તમામ ફિલ્મોમાં પ્રતીક ગાંધીને ચમકાવતી ‘સ્કેમ ૧૯૯૨’ વેબસિરીઝ સૌથી વધારે એવોર્ડ મેળવીને છવાઇ ગઇ છે. આ વેબસિરીઝને કુલ ૧૧ એવોર્ડ મળ્યા છે.