મુંબઈઃ તાજેતરમાં એક એન્ટરટેઈનમેન્ટ પોર્ટલે દાવો કર્યો હતો કે કરીના કપૂર પ્રેગનેન્ટ છે અને તેને સાડા ત્રણ મહિનાની પ્રેગનેન્સી છે. પોર્ટલની આ ખબર પાકી હોવાની ખાતરી ત્યારે થઈ જ્યારે યુનિસેફની એક ઈવેન્ટમાં કરીના કપૂરના બેબી બમ્પ દેખાતાં હતાં. નોંધનીય છે કે સૈફ અને કરીના હાલમાં જ લંડનથી વેકેશન માણી પાછાં ફર્યાં છે. જોકે સૈફ અને કરીના તો પ્રેગનેન્સી બાબતે હજી મૌન જ છે. કરીનાને યુનિસેફની આ ઈવેન્ટમાં વારંવાર તેના હાથ વડે પેટને સંતાડતા જોવાઈ હતી. ઈવેન્ટ દરમિયાન બાળકો સાથે ટ્વિસ્ટર રમતી વખતે ઘણી વાર કરીના અસહજ પણ લાગતી હતી. આ ઉપરાંત જ્યારે તે મીડિયા સામે આવી ત્યારે પણ તેને પોતાના હાથ વડે બેબી બમ્પ છુપાવવાની કોશિશ કરી હતી.
