ગૂગલ પર આ વર્ષે સૌથી વધુ સર્ચ કરાયેલી બોલિવૂડ હસ્તી તરીકે પ્રિયંકા ચોપરા કે આલિયા ભટ્ટનું નામ નહીં, પરંતુ એક ખ્યાતનામ ડાન્સરનું નામ સામે આવ્યું છે. હા, આ વાત છે નોરા ફતેહીની, જેણે ફિફા વર્લ્ડ કપ 2026ની ઓપનિંગ સેરેમનીમાં શાનદાર પરફોર્મન્સ આપીને આંતરરાષ્ટ્રીય સ્તરે પોતાની ઓળખ બનાવી છે.
બોલિવૂડની જાણીતી ડાન્સર અને એક્ટ્રેસ નોરા ફતેહી માત્ર ભારતમાં જ નહીં, પણ સમગ્ર વિશ્વમાં લોકપ્રિય થઈ ગઈ છે. ગ્લેમરસ ડાન્સ અને આગવી સ્ટાઈલને કારણે નોરા હંમેશા ચર્ચામાં રહે છે. આ વચ્ચે તેણે વધુ એક સફળતા હાંસલ કરી છે. ગૂગલ પર સૌથી વધુ સર્ચ થનારી બોલિવૂડ સ્ટાર હવે નોરા બની છે. નોંધનીય છે કે, નોરાએ 12 જૂને ફિફા વર્લ્ડ કપ 2026માં શાનદાર પરફોર્મન્સ આપ્યું હતું, ત્યારથી લોકો ઇન્ટરનેટ પર તેના ગીતો, ફિલ્મો અને અંગત જીવન વિશે જાણવા માટે આતુર છે.
નોરા ફતેહીએ ફિફા વર્લ્ડ કપમાં શાનદાર પ્રદર્શનથી વિશ્વભરના દર્શકોના દિલ જીતી લીધા છે. સોશિયલ મીડિયાથી લઈને ગૂગલ સુધી તમામ જગ્યાએ તેની ખૂબ ચર્ચા થઈ રહી છે, જેના કારણે તે અત્યારે સૌથી વધુ ચર્ચામાં રહેલા સિતારાઓમાંથી એક બની ગઈ છે.
ગૂગલ ટ્રેન્ડ્સના આંકડા મુજબ, નોરા સૌથી વધુ સર્ચ કરવામાં આવેલી બોલિવૂડ હસ્તી બની છે. આ સિદ્ધિ હાંસલ કરી તેણે પ્રિયંકા ચોપરા, આલિયા ભટ્ટ અને દીપિકા પાદુકોણ જેવી મોટી એક્ટ્રેસને પણ પાછળ છોડી દીધી છે. દુનિયાભરના લોકો નોરા વિશે વધુ જાણવા માટે ગૂગલ પર સર્ચ કરી રહ્યા છે, જે તેની વૈશ્વિક લોકપ્રિયતાનો પુરાવો છે.
