પ્રિયંકાનું દશેરાપૂજન

બોલિવૂડથી લઇને હોલિવૂડ સુધી આગવી છાપ છોડી ચૂકેલી અભિનેત્રી પ્રિયંકા ચોપરાએ તાજેતરમાં ઇનસ્ટાગ્રામ પર પરિવાર સાથેની તસવીરો શેર કરી છે. જેમાં તે પતિ નિક જોનસ અને પુત્રી માલતી સાથે કન્યાપૂજન અને દશેરાપૂજન કરતી જોવા મળે છે. પ્રિયંકા ચોપરાએ પોતાની પોસ્ટમાં 7 તસવીરો અને એક વીડિયો શેર કર્યો છે. તેમાં જોઇ શકાય છે કે પ્રિયંકા, પતિ નિક જોનસ અને પુત્રી માલતી એક હવન કુંડ આસપાસ બેઠેલા છે. એક પંડિતજી પૂજા સંપન્ન કરાવી રહ્યા છે. પ્રિયંકાના ઘરમાં મહાદેવની મોટી મૂર્તિ બનેલી છે.