શ્રીદેવીને ગૂગલ ડૂડલ દ્વારા સ્મરણાંજલિ

વિખ્યાત સર્ચ એન્જિન ગૂગલે ભારતીય સિનેમા લેજન્ડ શ્રીદેવીની 60મી જન્મજયંતી નીમિત્તે મનમોહક ડૂડલ દ્વારા તેમને શ્રદ્ધાંજલિ આપી હતી. 1963માં 13 ઓગસ્ટે તમિલનાડુમાં જન્મેલાં શ્રીદેવીનું સિનેમા પ્રત્યે નાનપણથી જ ભારે આકર્ષણ રહ્યું હતું. માત્ર ચાર વર્ષની વયે તેમણે અભિનય ક્ષેત્રે કારકિર્દીની શરૂઆત કરી હતી. તેમની પ્રથમ ફિલ્મ તમિલ હતી અને તેનું નામ હતું ‘કંધન કરુણાઈ’.’ બોલિવૂડનાં આ પ્રથમ મહિલા સુપરસ્ટારનું માત્ર 54 વર્ષની વયે 2018માં દુબઈની હોટેલમાં અવસાન થયું હતું. મુંબઈ સ્થિત મહેમાન કલાકાર ભૂમિકા મુખર્જી દ્વારા બનાવવામાં આવેલું આ ડૂડલ, શ્રીદેવીના 60મા જન્મદિવસ અને મનોરંજનની દુનિયા પર તેમના અદભૂત પ્રદાનને બિરદાવતું હતું.