સાઉથ સુપરસ્ટાર અલ્લુ અર્જુનની ફિલ્મ ‘પુષ્પા - ધ રાઇઝ’ ફિલ્મને હિંદી દર્શકો તરફથી સારો રિસ્પોન્સ મળ્યો હતો. હવે ફિલ્મનિર્માતા આ ફિલ્મના બીજા ભાગ એટલે કે ‘પુષ્પા-ટુ’ની તૈયારી કરી રહ્યા છે. ફિલ્મના બીજા ભાગમાં આઈટેમ સોંગ માટે સામંથા રુથ પ્રભુને નક્કી કરવામાં આવી હતી. જોકે તાજા અહેવાલો કંઇકલ અલગ જ વાત કરે છે. એક વેબ પોર્ટલના રિપોર્ટને સાચો માનીએ તો ‘પુષ્પા-ટુ’ના આઈટમ સોંગમાંથી હવે સામંથાને દૂર કરાઈ છે. તેના સ્થાને દિશા પટણીને સાઇન કરવાાં આવી છે. ઉલ્લેખીય છે કે મૂળ ફિલ્મ ‘પુષ્પા’માં સામંથા રુથ પ્રભુના આઈટમ નંબર ‘ઓ અંટાવા...’એ દેશ-વિદેશમાં ભારે ધૂમ મચાવી હતી. સામંથાએ પોતાના કિલર અંદાજમાં આ ગીતથી દર્શકોને ઘેલા ઘેલા કર્યા હતા. હવે તેના સ્થાને ‘પુષ્પા-ટુ’માં દિશા પટણી જોવા મળશે. નિર્માતા અને દિગ્દર્શકે આ ચેન્જ કેમ કર્યો છે તે અંગે તો કંઇ કારણ જાહેર કર્યું નથી, પણ વાત વહેલી મોડી બહાર આવશે ખરી.