દીપિકા પાદુકોણે આ વર્ષે સંદીપ રેડ્ડી વાંગાની ફિલ્મ ‘સ્પિરિટ’ અને ‘કલ્કિ 2899 એડી’ની સિકવલ જેવી બે મોટી ફિલ્મો છોડી દીધી છે અને તેને લઈને તે ખૂબ જ ચર્ચામાં પણ રહી છે. હવે દીપિકાએ એક મુલાકાતમાં કહ્યું છે કે તેને હવે મોટા બજેટની ફિલ્મો એક્સાઇટ કરી શકતી નથી. તે હવે ફક્ત સ્ટોરી ટેલિંગ પર જ ફોકસ કરી રહી છે. એક ઈન્ટરવ્યૂમાં દીપિકાએ જણાવ્યું હતું કે સાચું કહું તો હવે વધુ કેટલી પ્રસિદ્ધિ? કેટલી વધારે સફળતા અને કેટલા વધારે નાણાં? આ સ્ટેજ પર હવે વાત આના પરની નથી રહી. અહીં વાત એ નથી કે 100 કરોડની ફિલ્મ અથવા 500-600 કરોડની ફિલ્મ. જ્યારે તેને પૂછવામાં આવ્યું કે શું તેણે તમામ બોક્સ પર ટીક કરી દીધી છે ત્યારે તેણે જવાબમાં જણાવ્યું હતું કે તે હવે મને વધારે એક્સાઈટ કરતું નથી. મને હવે અન્યના ટેલેન્ટને સશક્ત કરવાની વાત મને વધુ એક્સાઇટ કરે છે. મારી ટીમ અને હું હવે સ્ટોરી ટેલિંગ પર ફોકસ કરી રહ્યા છીએ અને ક્રિયેટિવ માઈન્ડ્ઝ રાઈટર્સ, ડાયરેક્ટર્સ અને પ્રોડયુસર્સને સપોર્ટ કરે તે જ હવે મારા માટે જરૂરી છે. હાલમાં દીપિકા પાસે બે ફિલ્મો છે જેના પર તે કામ કરી રહી છે. શાહરુખ ખાનની સાથે ‘કિંગ’માં તે નજરે આવશે જેમાં આ બન્ને સાથે સુહાના ખાન પણ અગત્યની ભૂમિકામાં નજરે પડશે.
