હવે ‘કભી અલવિદા ના કહેના’ની વેબ સીરિઝ

કરણ જોહરે બનાવેલી અને શાહરુખ ખાન, રાણી મુખર્જી, પ્રીતિ ઝિન્ટા તથા અભિષેક બચ્ચન સહિતના કલાકારોને ચમકાવતી ફિલ્મ ‘કભી અલવિદા ના કહેના’ પરથી વેબ સીરિઝ બનવાની છે. ખુદ કરણ જોહરે આ અંગે કહ્યું હતું કે આ ફિલ્મ માટે વિરોધાભાસી અભિપ્રાયો મળ્યા હતા. હવે આ ફિલ્મને એક લાંબાં ફોર્મેટની સીરિઝમાં રુપાંતરિત કરાશે. 2006માં રજૂ થયેલી આ ફિલ્મ દ્વારા લગ્નેતર સંબંધોને ઉત્તેજન આપી તેને વાજબી ઠેરવવા પ્રયાસ કરાયો હોવાના આક્ષેપ થયા હતા. બીજી તરફ કેટલાકે એમ કહ્યું હતું કે લગ્નજીવનમાં બે પાત્રો એકબીજા સાથે તાલમેલ ન બેસાડી શકતાં હોય તેવા સમયે ત્રીજાં પાત્ર તરફ ઢળે તે વાત કરણ જોહરે સંવેદનશીલતા - ગંભીરતા સાથે રજૂ કરી છે.