હુમા કુરેશી કાશ્મીર પહોંચીઃ BSFની મહિલા સૈનિકોને મળી

ભારતીય સેના દ્વારા હાથ ધરાયેલા ‘ઓપરેશન સિંદૂર’ પછી અભિનેત્રી હુમા કુરેશીએ જમ્મુ અને કાશ્મીરની મુલાકાત લીધી છે. તેણે આ મુલાકાતના સોશિયલ મીડિયા પર ફોટો શેર કર્યા છે, જેમાં તેણે બીએસએફ સૈનિકો સાથેની સુંદર ક્ષણો શેર કરી છે તો સેનાની બહાદુરી વિશે કેટલીક પ્રતિક્રિયા પણ આપી છે.
હુમા કુરેશીએ તેના ઈન્સ્ટાગ્રામ એકાઉન્ટ પર શેર કરેલી તસવીરમાં તે જમ્મુની હવાનો આનંદ માણતી જોવા મળી રહી છે. આ સાથે તે કેપ્શનમાં લખે છેઃ જમ્મુથી પોસ્ટકાર્ડ, જેમાં આકાશમાં સુંદર વાદળો ફરતા જોઈ શકાય છે.
આ ઉપરાંત શેર કરાયેલી તસવીરોમાં અભિનેત્રી પહલગામમાં થયેલા આતંકવાદી હુમલાથી પ્રભાવિત લોકોને મળતી પણ જોવા મળે છે. હુમા તેમના પ્રત્યે સંવેદના પણ વ્યક્ત કરી રહી છે, જેમાં તે પુરુષો અને મહિલાઓને સાંત્વના આપવાનો પ્રયાસ કરી રહી છે. આ ઉપરાંત તેણે આ સ્થળની સુંદરતા પણ શેર કરી છે.