ઇંગ્લેન્ડને વધુ એક ઝટકો, જેક બોલ પણ ઇજાગ્રસ્તઃ

Thursday 16th November 2017 12:42 EST
 
 

લંડનઃ ઇંગ્લેન્ડના ઝડપી બોલર સ્ટીવન ફિન ઇજાને કારણે એશિઝ સિરીઝમાંથી નીકળી ગયા બાદ હવે ઝડપી બોલર જેક બોલને પણ ઇજાગ્રસ્ત થયાના અહેવાલ છે. ક્રિકેટ ઓસ્ટ્રેલિયા ઇલેવન સામેની ચાર દિવસીય મેચ દરમિયાન તેને ઇજા થઇ હતી. જેક બોલ વોર્મ-અપ મેચની ચોથી ઓવર દરમિયાન નીચે પડી જતાં તેને જમણા ઘૂંટણમાં ઇજા થઈ હતી. ઇજાને કારણે તે મેદાન પર જ પોતાનો પગ પકડી સૂઈ ગયો હતો. જેક બોલને તે પછી ઇંગ્લેન્ડના ફિઝિયો ક્રેગ વેયમેને મેદાનની બહાર લઈ જઈને સારવાર આપી હતી. જોકે, ઇંગ્લેન્ડ માટે એ બાબત સારી હતી કે, તે ચાલીને મેદાનની બહાર ગયો હતો. જેક બોલની ઇજા કેટલી ગંભીર છે તે અંગે હજુ જાણી શકાયું નથી.


comments powered by Disqus



to the free, weekly Gujarat Samachar email newsletter