નવી દિલ્હીઃ ભારતની સ્ટાર શોટપુટર એથ્લીટ મનપ્રીત કૌર આવતા મહિને લંડનમાં યોજાનારી વર્લ્ડ એથ્લેટિક્સ ચેમ્પિયનશીપમાંથી બહાર થઈ ગઈ છે. બે જ દિવસમાં બીજી વખત તે પ્રતિબંધિત ડ્રગ્સનું સેવન કરવા બદલ દોષિત ઠરી છે. મનપ્રીતના યૂરિનનું એ-સેમ્પલ ચીનના જિન્હુઆ ખાતે ૨૪મી એપ્રિલે યોજાયેલા એશિયન ગ્રાં-પ્રિના પ્રથમ તબક્કામાં લેવાયું હતું. તેમાં પ્રતિબંધિત સ્ટિમ્યુલેન્ટ ડાઇમેથિલબુટિલેમાઇનના અંશ મળ્યા હતા. આ પછી પતિયાલા ખાતે ફેડરેશન કપ નેશનલ ચેમ્પિયનશીપ દરમિયાન લેવાયેલા સેમ્પલમાં ફરીથી આ પ્રકારનો પદાર્થ મળી આવ્યો હતો.
