મુંબઈ, લંડનઃ ક્રિકેટર યુવરાજ સિંહ બ્રિટનની મોડેલમાંથી અભિનેત્રી બનેલી હેઝલ કીચના પ્રેમમાં હોવાના તેની સાથે ડેટિંગ કરી રહ્યો હોવાના અહેવાલ છે. તાજેતરમાં જ કેટલાક લોકોએ બન્નેને લંડનમાં જાહેર સ્થળે એકસાથે જોયાં હતાં. તેઓ લંડનમાં રજાઓ માણી રહ્યાં હતાં. જોકે બન્નેમાંથી એકેયે તેમના સંબંધોને સમર્થન આપ્યું નથી. જો આ વાત સાચી હશે તો ક્રિકેટ અને ગ્લેમરની દુનિયામાં વિરાટ કોહલી તેમ જ અનુષ્કા શર્મા બાદ આ બીજું પ્રેમીયુગલ હશે. અગાઉ હરભજન સિંહ અને ગીતા બસરા તેમ જ ઝહીર ખાન અને ઇશા શ્રાવણીનાં નામો પણ પ્રેમીપંખીડાં તરીકે જોડાઈ ચૂક્યાં છે. ઉલ્લેખનીય છે કે ભારતીય ક્રિકેટ ટીમના ધરખમ ઓલરાઉન્ડર ગણાતા યુવરાજનું નામ અગાઉ અભિનેત્રી કિમ શર્મા સાથે જોડાયેલું હતું.
