રિયો દ’ જાનેરોઃ બ્રાઝિલિયન સુપરસ્ટાર નેમારે પોતાની ટીમના હોન્ડુરસ સામેના સેમિ-ફાઇનલ મુકાબલામાં ઓલિમ્પિકના ઇતિહાસનો સૌથી ફાસ્ટેસ્ટ ગોલ નોંધાવ્યો છે. નેમારના શાનદાર પ્રદર્શનની મદદથી ઓલિમ્પિક ગેમ્સના યજમાન બ્રાઝિલે ૬-૦થી મેચ જીતીને ગોલ્ડ મેડલ મુકાબલામાં સ્થાન મેળવી લીધું હતું. નેમારે હોન્ડુરસ સામેની મેન્સ ફૂટબોલ ઇવેન્ટની સેમિ-ફાઇનલમાં શરૂઆતની માત્ર ૧૫ સેકન્ડની અંદર ગોલ નોંધાવ્યો હતો, જે ઓલિમ્પિક ઇતિહાસનો સૌથી ઝડપી ગોલ છે.
