લંડનઃ મેરિલબોર્ન ક્રિકેટ ક્લબ (એમસીસી)એ તેના નિયમોમાં ઐતિહાસિક નિર્ણય લીધો છે. એમસીસીએ બેટ્સમેનના સ્થાને જેન્ડર ન્યૂટ્રલ પ્રથાના આધારે હવે બેટર કે બેટર્સ શબ્દનો ઉપયોગ કરવાની જાહેરાત કરી છે. એમસીસીની સમિતિએ આ ફેરફારને મંજુરી પણ આપી દીધી છે. ક્રિકેટના નિયમો ઘડનારી સંસ્થા એમસીસીનું માનવું છે કે જેન્ડર ન્યૂટ્રાલિટી શબ્દનો ઉપયોગ ક્રિકેટની સ્થિતિ સુધારવામાં મદદરૂપ બનશે. એમસીસીએ આ ફેરફાર તાત્કાલિક અસરથી લાગુ કર્યો છે. એમસીસીએ જણાવ્યું હતું કે ક્લબની વિશેષ કાનૂની સલાહકાર સમિતિ દ્વારા પ્રારંભિક ચર્ચા કરાઇ હતી અને ત્યારબાદ આ ફેરફારને એમસીસીની સમિતિએ મંજૂરી આપી દીધી છે. એમસીસીનું માનવું છે કે ઘણા મીડિયા સંગઠન ઘણા લાંબા સમયથી પોતાના રમત રિપોર્ટિંગ બેટર શબ્દનો ઉપયોગ કરી રહ્યા છે.