લંડનઃ હેરોસ્થિત એકાઉન્ટન્સી પ્રેક્ટિસ અલ્બરી એસોસિયેટ્સનું ઓસ્ટ્રેલિયામાં હેડક્વાર્ટર્સ ધરાવતા અને ચાર્ટર્ડ એકાઉન્ટન્ટ મુન્ઝુરુલ ખાન દ્વારા સ્થાપિત પ્રોફેશનલ સર્વિસીસ ગ્રૂપ KHI પાર્ટનર્સ સાથે સત્તાવાર જોડાણ કરાયું છે. આ સાથે નવી બ્રાન્ડ KHI અલ્બરીની સ્થાપના થઈ છે.
KHI પાર્ટનર્સનો વિકાસ બિઝનેસ માલિકો અને પ્રોપર્ટી ઈન્વેસ્ટર્સ પર મજબૂત ધ્યાન કેન્દ્રિત કરતા એકાઉન્ટિંગ, ટેક્સ, લીગલ, વેલ્થ અને ધીરાણસેવા સહિત મલ્ટિ-ડિસિપ્લનરી પ્લેટફોર્મ સ્વરૂપે થયો છે.અલ્બરી એસોસિયેટ્સની શરૂઆત માલિકો દ્વારા સંચાલિત બિઝનેસીસ કાયદાનું પાલન કરે, તેમની સંખ્યા કે આંકડાને સમજે અને બહેતર નિર્ણયો લઈ શકે તેમાં મદદ કરવાને સમર્પિત બૂટિક ચાર્ટર્ડ એકાઉન્ટન્સી પ્રેક્ટિસ તરીકે થઈ હતી. આ ફર્મ ઓડિટ અને ટેક્સથી માંડી મેનેજમનેન્ટ એકાઉન્ટ્સ, સિસ્ટમ્સ અને વારસાઈ આયોજન સહિત સંપૂર્ણ સપોર્ટ આપવામાં માહેર છે.
તો પછી મર્જર શા માટે? અલ્બરી એસોસિયેટ્સના ડાયરેક્ટર કિરણ પટેલના જણાવ્યા અનુસાર,‘ બિઝનેસ સીમારહિત બની ગયો છે, પરંતુ સલાહનું મોટા ભાગે આમ થતું નથી. ઘણા એશિયન એન્ટ્રેપ્રીન્યોર્સ હવે યુકે, યુરોપ, મિડલ ઈસ્ટ અને ઓસ્ટ્રેલેશિઆ સાથે લિન્ક-જોડાણ ધરાવે છે. તેઓ એક કરતાં વધુ જ્યુરિડિક્શન્સમાં પ્રોપર્ટીની માલિકી ધરાવે છે, બાળકો પણ કદાચ વિદેશમાં અભ્યાસ કરતા હોઈ શકે અને બિઝનેસીસ તમામ ટાઈમ ઝોન્સમાં વધુ વેપાર કરી રહ્યા છે. KHI પાર્ટનર્સ સાથે જોડાણ કરવાથી અમે અમારી યુકે ઓડિટ અને સલાહકારી ક્ષમતાઓને ઓસ્ટ્રેલિયા અને તેથી પણ આગળ હજારો ક્લાયન્ટ્સને સપોર્ટ કરી રહેલા વ્યાપક વૈશ્વિક પ્લેટફોર્મ સાથે જોડી રહ્યા છીએ.’
તેમણે કહ્યું હતું કે,‘ ક્લાયન્ટ્સ માટે ‘વધુ ક્ષમતા, એ જ પીપલ ફર્સ્ટ સર્વિસ’ છે. અમારી વર્તમાન રિલેસનશિપ બદલાતી નથી, તમે હેરોમાં એ જ ટીમ સાથે કામ કરો છો. પરંતુ, હવે અમે ક્રોસ બોર્ડર સ્ટ્રક્ચરિંગ, ફાઈનાન્સ એકત્રીકરણ, પ્રોપર્ટી ડેવલપમેન્ટ, વેલ્થ પ્લાનિંગ અને લીગલ સર્વિસીસ જેવા સેકર્ટર્સમાં કલીગ્સ પાસેથી નિષ્ણાત ઈનપુટ મેળવી શકીશું . યુકેમાં કોમર્શિયલ પ્રોપર્ટી, ઓસ્ટ્રેલિયન બાળકો અને સાઉથ એશિયામાં બિઝનેસ ધરાવતા પરિવારને અનેક સલાહકારો પાસેથી ટુકડે ટુકડે અભિપ્રાયો કે સલાહના બદલે સંયોજિત સલાહ મળી શકશે.
વ્યવહારુ દૃષ્ટિએ તમારી ફાઈનાન્સ કામગીરીને વહિવટી નહિ પરંતુ વ્યૂહાત્મક રીતે ગણો. આનાથી મુશ્કેલ આર્થિક ક્લાઈમેટમાં કેશફ્લો ફોરકાસ્ટિંગ અને સ્થળ પરના આયોજનોમાં જરૂર પડે બિઝનેસ માલિકોને જરૂર હોય ત્યાં રિફાઈનાન્સ કરવા અને બેન્ક્સ અને મકાનમાલિકો સાથે નેગોશિયેટ કરવા ઝડપથી આગળ વધવાની છૂટ મળે છે. બીજો મુદ્દો ભાવિ પેઢી માટે સ્ટ્રક્ચરનો છે. અમારા ઘણા ક્લાયન્ટ્સ પ્રથમ પેઢીના એન્ટ્રેપ્રીન્યોર્સ છે જેમના બાળકો હવે આગવી રીતે પ્રોફેશનલ્સ છે. પરિવારને સાથે જોડાઈને વેલ્થ ટેક્સ પાસ ઓન કરવા ઈચ્છતા હો ત્યારે કંપનીઓ, હોલ્ડિંગના સાધનો, ટ્રસ્ટો અને શેરહોલ્ડરની વ્યવસ્થા માટે સ્ટ્રક્ચર-માળખું મહત્ત્વનું બની રહે છે. ત્રીજો મુદ્દો, વૈશ્વિક વિચારની સાથે સ્થાનિક કાયદાપાલન જાળવવાનો છે. યુકે ઓડિટ રેગ્યુલેશન્સ હોય કે ઓસ્ટ્રેલિયન ટેક્સ કાયદા હોય અથવા મનીલોન્ડરિંગ વિરોધી નિયમનો હોય, પ્રવાસની દિશા એક જ રહેશે- વધુ સ્ક્રુટિની. વિવિધ જ્યુરિડિક્શન્સની સંયોજિત ટીમ વિકાસ સાધવાની સાથોસાથ નિયંત્રકોની યોગ્ય દિશામાં રહેવામાં તમને મદદ કરી શકે છે. મારા અને મુન્ઝુરુલ માટે આ મર્જર એન્ટ્રેપ્રીન્યોરલ, ઈ ન્ટરનેશનલ અને મહત્વાકાંક્ષી હોવા સાથે વિશ્વાસ અને સેવાના મજબૂત મૂલ્યોમાં ઊંડા મૂળ સાથેની આપણી કોમ્યુનિટીની વાસ્તવિકતાને પ્રતિબિંબિત કરતા પ્લેટફોર્મના નિર્માણ વિશે છે.’
