કવિતા. - ખમ્મા ખમ્મા મારી માડી

મારું હૃદય પોકારે આજે

મારી માડીને કોટિ કોટિ વંદન કરીએ

સૌની માડીને કોટિ કોટિ વંદન કરીએ

ખમ્મા ખમ્મા મારી માડી

ઘણી ખમ્મા અમારી માડી

તારા દૂધના પયપાન કરાવ્યા

પાળી પોષીને મોટા કર્યા

ભણાવી ગણાવી અમને પરણાવ્યા

ખમ્મા ખમ્મા મારી માડી

ઘણી ખમ્મા મારી માડી

તારી મમતાનો પાર ન હોય

તું તો વેણે વેણે વરસાદ વરસાવે

માના ચરણોમાં ભગવાન મળે

ઘેર ઘેર મા તો બિરાજે

ખમ્મા ખમ્મા મારી માડી

ઘણી ખમ્મા અમારી માડી

ઈશ્વરને જોયા નથી કદી અમે

પણ તારી છત્રછાયામાં ઈશ્વર નિહાળીએ

મા સ્વરૂપે ઈશ્વરનો અનુભવ કરાવે

કોટિ કોટિ વંદન સ્વીકારો

ખમ્મા ખમ્મા મારી માડી

ઘણી ખમ્મા મારી માડી

ઘણી ખમ્મા સૌની માડી

વર્ષમાં એકવાર મધર્સ ડે આવે

પણ તારો પ્રેમ તો બારે માસ માણીએ

હૃદયકોષમાંથી તું આશિષ વરસાવે

કોટિ કોટિ વંદન માડી તમને

ખમ્મા ખમ્મા માડી તમને