કંપનીએ જેબાસ્ટિયાનની જીભનો ૯.૫ કરોડ રૂપિયા (અંદાજે ૯.૮૦ લાખ પાઉન્ડ)નો વીમો ઉતરાવ્યો છે તેનું કારણ એ છે કે તેના પ્રતાપે જ તો કંપની તેમની પ્રોડક્ટ્સની ગુણવત્તા એકધારી જાળવી રાખે છે. તેણે ચા ટેસ્ટીંગમાં એટલી નિપુણતા કેળવી છે કે ૧૫૦૦ પ્રકારની ચામાંથી કોઈ એક ચાનું માત્ર ૧૫ સેકન્ડમાં જ પરીક્ષણ કરીને તેને ગુણવત્તા અનુસાર ગ્રેડ આપી શકે છે. જેબાસ્ટિયાન આ કંપનીમાં શરૂઆતમાં એક ટ્રેઇની તરીકે જોડાયા હતા, આજે તેઓ અતિ મહત્ત્વના સ્થાને બીરાજે છે. જોકે ટી બ્લેન્ડર બનતા પહેલા તેણે નવ વર્ષ સુધી દુનિયાભરના ચાના બગીચાઓમાં ફરીને ચાના વિવિધ ટેસ્ટનો અભ્યાસ કરવો પડ્યો હતો.
અધધધ અનુભવ
કંપનીના સિનિયર બ્રાન્ડ મેનેજર એલેક્સ સ્નોડેન કહે છે કે તેમની કંપનીમાં કામ તમામ બ્લેન્ડર્સના અનુભવનો સરવાળો કરવામાં આવે તો કુલ અનુભવનો આંકડો ૯૦૦ વર્ષ થાય છે. તેઓ દર અઠવાડિયે ૪૦ હજાર કપ ચાનું ટેસ્ટિંગ કરે છે. આ કારણે તેમના ટેસ્ટ બડ્સ કંપની માટે ખૂબ જ મહત્ત્વના છે.