અદાણી ગ્રૂપનું માર્કેટ કેપ ઘટીને રૂ. 6.81 લાખ કરોડ

મુંબઈઃ અમેરિકી શોર્ટ સેલર હિન્ડેનબર્ગ રિસર્ચ દ્વારા 24 જાન્યુઆરીના અદાણી ગ્રુપ બાબતે વિસ્ફોટક નેગેટિવ રિપોર્ટ રજૂ કર્યા બાદથી સતત રાષ્ટ્રીય, આંતરરાષ્ટ્રીય નેગેટિવ અહેવાલો વહેતાં થતાં રહેતાં અને ગ્રૂપ દ્વારા આ રિપોર્ટનું ખંડન કરવા છતાં રોકાણકારોના ડગમગી ગયેલા વિશ્વાસને લઈ અદાણી ગ્રૂપની કંપનીઓના શેરોમાં અમુક શેરો છોડીને મોટાભાગના શેરોમાં ફંડોએ હેમરિંગ ચાલુ રહ્યું છે.
આ સાથે ગ્રુપનું માર્કેટ કેપિટલાઈઝેશન સોમવારે એક જ દિવસમાં વધુ રૂ. 33,993 કરોડ ઘટીને રૂ. 7 લાખ કરોડની સપાટી અંદર રૂ. 6,81,993 કરોડની સપાટીએ આવી ગયું છે. જે છેલ્લા 23 દિવસમાં એટલે કે 24 જાન્યુઆરી 2023ના રૂ. 19,19,888 કરોડની તુલનાએ રૂ. 12,37,895 કરોડ ઘટી ગયું છે.