લંડનઃ KPMGએ તેના યુકેના સ્ટાફને ચેતવણી આપી હતી કે તેઓ મહત્ત્વનું પેપર વર્ક પૂરું કરીને પરત સોંપવામાં મોડું કરશે તો તેમને ૧૦૦ પાઉન્ડનો દંડ થશે. આ નીતિ અયોગ્ય રીતે કડક હોવાનું અનુભવતા કર્મચારીઓમાં રોષની લાગણી વ્યાપી હતી.
સ્ટાફ તેની ટાઈમશીટ્સ – સોંપાયેલ ચોક્કસ કાર્ય પૂરું કરવામાં તે કેટલો સમય લે છે તેની ડીજીટલ લોગ - સુપરત કરવામાં વિલંબ કરશે તો બિગ ફોર એકાઉન્ટિંગ ગ્રૂપ તેને દંડ કરાશે. કર્મચારીના બોનસમાંથી આ રકમ કપાશે. તેનો અર્થ એવો થયો કે કંપનીના એકંદર બોનસ ભંડોળમાં વધુ રકમ ઉપલબ્ધ થશે અને તેનો લાભ સમયસર ટાઈમશીટ સોંપનાર કર્મચારીને થશે.
