લેસ્ટરના બેલગ્રેવ રોડ પર આવેલી બેંક ઓફ બરોડાને ૧૧૦ વર્ષ પૂર્ણ થયા છે. ગઈ તા. ૨૦ જુલાઈને શુક્રવારે બેંકના ૧૧૧મા સ્થાપના દિવસની ઉજવણી કરવામાં આવી હતી. સર મહારાજા સયાજી રાવ ગાયકવાડ દ્વિતીયએ ૨૦ જુલાઈ, ૧૯૦૮ના રોજ રૂ.૪૦૦ના રોકાણ સાથે બેંક ઓફ બરોડાની સ્થાપના કરી હતી. સમારંભના મુખ્ય અતિથિ મગનભાઈ પટેલ OBEએ કેક કાપીને સ્થાપના દિનની ઉજવણી કરી હતી.
અત્રે ઉલ્લેખનીય છે કે હાલ બેંક ઓફ બરોડા ભારતીય બેંકોમાં સૌથી વધુ વિદેશી શાખા ધરાવતી બેંક છે.
બેંકના બ્રાન્ચ મેનેજર શ્રી પ્રવિણચંદ્ર કુમારે આભારવિધિ કરી હતી. આ પ્રસંગે લેસ્ટરના વેપારીઓ, ગ્રાહકો તેમજ આમંત્રિતો ઉપસ્થિત રહ્યા હતા. અંતમાં સૌએ અલ્પાહારનો આસ્વાદ માણ્યો હતો.