વોશિંગ્ટનઃ અમેરિકાના પિટ્સબર્ગ યહૂદી પ્રેયરના સ્થળે ઘૂસીને એક હુમલાખોરે અંધાધૂંધ ફાયરિંગ કરતા ૪ વ્યક્તિના મોત થયાં છે. મૃતકમાં એક પોલીસનો પણ સમાવેશ થાય છે. કેટલાક પોલીસ જવાનો ઘાયલ થયા છે. સીબીએસ ટીવીએ ૭ લોકોના મોત થયા હોવાનું જણાવ્યું છે. બંદૂકધારી હુમલાખોરે સરેન્ડર કરી દીધું છે. સુરક્ષા એજન્સીના જણાવ્યા મુજબ આ પૂજાના સ્થળે લોકો પૂજા કરી રહ્યા હતા ત્યારે હુમલાખોર ત્યાં ઘૂસી આવ્યો હતો. હુમલાખોર એવી બૂમો પાડી રહ્યો હતો કે તમામ યહૂદીઓએ મરી જવું જોઈએ.