બોસ્ટનઃ વિમાન દ્વારા ન્યૂ યોર્કથી લંડન માત્ર ત્રણ કલાકમાં પહોંચાય તેવી તૈયારીઓ ચાલી રહી છે. ભારતવંશી એન્જિનિયરો સહિતની એક ટીમ સુપરસોનિક લક્ઝરી વિમાન બનાવી રહી છે. બોસ્ટનસ્થિત સ્પાઇક એરોસ્પેસ કંપનીએ વર્ષ ૨૦૧૩માં એસ-૫૧૨ સુપરસોનિક વિમાન તૈયાર કર્યું હતું. તાજેતરમાં કંપનીએ વિમાનની ડિઝાઇનમાં થોડા ફેરફારની જાહેરાત કરી છે. કંપનીનો દાવો છે કે ડિઝાઇનમાં ફેરફારથી આ વિમાનની ઝડપમાં ઘણો વધારો થયો છે. એસ-૫૧૨ વિમાન હવે મહત્તમ કલાકના ૨,૨૦૫ કિલોમીટરની ઝડપે ઉડી શકે છે, જે અવાજ કરતાં ૧.૮ ગણી ઝડપ ધરાવે છે.