ન્યૂ યોર્ક: સરળ ધિરાણ શરતો અને રોકાણકારો તરફથી સતત વધી રહેલા દેવાના પ્રમાણથી અમેરિકન ઇકોનોમી ઉપર ૯ લાખ કરોડ ડોલર દેવું ગમે ત્યારે ફાટશે તેવી દહેશત યુએસ કોર્પોરેટ નિષ્ણાતો વ્યક્ત કરી રહ્યા છે. જોકે, વોલસ્ટ્રીટ એવું માને છે કે, આગામી એકાદ-બે વર્ષમાં આ મુશ્કેલી સંભાળી શકાય તેવી છે. જોકે, તેઓ એવું માની રહ્યા છે કે, જો દેવું અને વ્યાજદર બન્ને વધતાં રહેશે તો કોર્પોરેટ પ્રોફિટ માર્જિન ઘટી શકે છે.
આ દેવા અંગે બે પ્રકારની શક્યતા જોવાઈ રહી છે. વ્યાજદર ઘટે અને અર્થવ્યવસ્થામાં સુધારો ચાલુ રહેશે તો આ પરિસ્થિતિને સંભાળી શકાશે, પરંતુ જો વ્યાજદરની સાથે લોન્સનું ભારણ વધતું રહેશે અને ઇકોનોમી ફરી મંદીમાં સપડાશે તો દેવા બોમ્બને ફાટતો રોકી નહિ શકાય.
