આમુર-તિમુરની મિત્રતા પર પૂર્ણવિરામ!

મોસ્કોઃ રશિયાના પ્રિમોરસ્કાર સફારી પાર્કમાં ગયા મહિને પાંગરેલી વાઘ-બકરીની દોસ્તીનો અંત હવે નજીક છે. બકરીને તેનો જ મિત્ર વાઘ શિકાર બનાવશે. વાઘ-બકરીની મિત્રતા સફારી પાર્કમાં છેલ્લા કેટલાક સમયથી ધ્યાનાકર્ષક બની હતી. પ્રિમોરસ્કાર સફારી પાર્કમાં સર્બિયાનો વાઘ છે.
આમુર નામના આ વાઘને સપ્તાહમાં જે દિવસે જીવતો ખોરાક આપવાના દિવસે તિમુર નામની બકરી પાંજરામાં મૂકાઇ હતી. વાઘ ભૂખ્યો હોવા છતાં તેણે બકરીનો શિકાર કર્યો ન હતો અને થોડી વાર પછી બંને રમત કરવા લાગ્યા હતા.  આ પછી વાઘને એક સસલું ખોરાક માટે અપાયું હતું જેનો વાઘે શિકાર કર્યો હતો. બીજી વખત વાઘ અને બકરીને સાથે રાખવામાં આવ્યા ત્યારે પણ વાઘે તેને શિકાર કર્યો ન હતો. જોકે, એ વખતે બકરીને વાઘને શિંગડું માર્યું હતું એટલે વાઘે તેને હવામાં ફંગોળી હતી. તેમ છતાં શિકાર કર્યો ન હતો. ત્યારબાદ બકરીને અલગ પાંજરામાં મૂકી દેવાઈ હતી.
સોશ્યલ મિડીયામાં આ દોસ્તી ખૂબ જ લોકપ્રિય થઈ હતી. રશિયામાં વાઘ-બકરીની દોસ્તીના ટી-શર્ટ પણ વેચાવા લાગ્યા હતા. પણ હવે બંને વચ્ચે લડાઈ થઈ જતાં ફરીથી સફારી પાર્કના સત્તાધીશો
ટૂંક સમયમાં ફરીથી બકરીને વાઘના શિકાર તરીકે મૂકશે તેવા અહેવાલ છે.