અમેરિકાના ઓરેગનમાં આવેલું સ્ટાર્ટઅપ પૈંથલાસા દરિયાઇ મોજાથી પેદા થનારી ઉર્જાથી સંચાલિત તરતું એઆઇ ડેટા સેન્ટર વિકસાવી રહ્યું છે. 85 મીટર લાંબા આ યુનિટમાં દરિયાઇ પાણીનો ઉપયોગ એઆઇ ચિપ્સને ઠંડી રાખવા માટે કરાશે જ્યારે ટર્બાઇન દરિયાઇ મોજામાંથી વીજળી પેદા કરશે. કંપનીના ‘ઓશન-2’ પ્રોટોટાઇપનું વોશિંગ્ટનના દરિયાકિનારા પાસે પરીક્ષણ ચાલી રહ્યું છે. અહીં એઆઇ ડેટાને સ્પેસએક્સના સ્ટારલિન્ક નેટવર્કના માધ્યમથી મોકલાઇ અને મેળવાઇ રહ્યો છે.
