અનુપમ મિશન ‘ભક્તિયોગ’ અને ‘કર્મયોગ’ના સમન્વય થકી તેમની આધ્યાત્મિક ફિલસુફીને આગળ વધારે છે. તેઓ માનવતાની સેવા દ્વારા ઈશ્વરની સેવામાં માને છે. પરમ પૂજ્ય સાહેબજીની દિવ્ય ઉપસ્થિતિમાં વિવિધ ધાર્મિક/ આધ્યાત્મિક કાર્યક્રમો ચાલતા રહે છે અને આ કાર્યક્રમો પછી સાત્વિક ભોજન પીરસાય છે. રસોઈઘરમાં સ્વયંસેવકો આધ્યાત્મિક સત્વ સાથે સાત્વિક ભોજન પીરસવામાં ભારે સમર્પિત ભાવનાથી કાર્ય કરે છે. ગુજરાત સમાચાર અને એશિયન વોઈસના પ્રકાશક અને એડિટર-ઈન-ચીફ સી.બી. પટેલે રસોઈઘરની મુલાકાત લીધી હતી અને સ્વયંસેવકો સાથે મુલાકાત કરવામાં તથા સ્વચ્છતા અને સંચાલન નિહાળીને ધન્યતા અનુભવી હતી.
