પ્રમુખ ટ્રમ્પ પોતાની ભાષા અને શબ્દપ્રયોગના કારણે અનેક વખત વિવાદ કરી ચૂક્યા છે. પહેલા વ્હાઈટ હાઉસની પ્રેસ સેક્રેટરી કેરોલિન લેવિટના હોઠની જાહેર પ્રશંસા કરીને ભાંગરો વાટ્યો હતો અને હવે પોતાની જ સરકારના હોમ સેક્રેટરી અંગે વિવાદાસ્પદ નિવેદન આપ્યું છે. ટ્રમ્પે કહ્યું હતું કે ડગ બર્ગમને અમેરિકાના હોમ સેક્રેટરી એટલે બનાવ્યા કેમ કે તેની પત્ની કેથરીન ખુબ જ સુંદર લાગી હતી. ટ્રમ્પ તેમની ઓવલ ઓફિસમાં એક આદેશ ઉપર હસ્તાક્ષર કરી રહ્યા હતા ત્યારે બર્ગમ અને તેની પત્ની કેથરીન પણ પાસે જ ઉભા હતા. કાર્યક્રમ પૂરો થતાં ટ્રમ્પે કહ્યું કે તેણે કેથરિનનો ઘોડેસવારી કરતો વીડિયો જોયો ત્યારે આ કપલ પર સૌથી પહેલાં ધ્યાન ખેંચાયું હતું. આ સમયે કેથરીન ખૂબ જ અલગ લાગી હતી. ટ્રમ્પે કેથરીન તરફ ઈશારો કરતાં કહ્યું હતું કે આ સમયે તેણે લોકોને કહ્યું હતું કે તેઓ ડગ બર્ગમની નિયુક્ત કરી રહ્યા છે કારણ કે જેની પાસે કેથરીન જેવી પત્ની હોય તે તો કમાલની વાત છે.
