નામીબિયાના ગૂટફોન્ટેન ક્ષેત્રમાં આવેલો 60 ટન વજનનો અને લોહ-નિકલના બનેલા હોબા ઉલ્કાપિંડને આ પૃથ્વી પરનો અત્યાર સુધીનો સૌથી મોટો અખંડ ઉલ્કાપિંડ માનવામાં આવે છે. આ ઉલ્કાપિંડ હજારો વર્ષ પૂર્વે અંતરિક્ષમાંથી આવીને અહીં પડ્યો, પરંતુ આશ્ચર્યની વાત એ છે કે પડવાની કોઇ સ્પષ્ટ અસર કે ખાડો પડ્યો નથી. આથી એવું મનાય છે કે સંભવતઃ વાયુમંડળમાં પ્રવેશ કરતાં સમયે તેની ઝડપ ધીમી પડી ગઇ હતી.
