કર્ણાટકના ધારવાડમાં કલાકાર અમર કાલેએ હળદર અને લાલ મરચાની મદદથી વિશાળ રંગોળી બનાવીને ગિનીસ વર્લ્ડ રેકોર્ડ સર્જ્યો છે. તેમણે કર્ણાટકના નકશામાં વિશ્વપ્રસિદ્ધ હમ્પી રથ બનાવ્યો છે. આ કલાકૃતિ લગભગ 1,892.5 ચોરસ ફૂટ વિસ્તારમાં ફેલાયેલી છે. ગિનીસ વર્લ્ડ રેકોર્ડ્સે તેની દુનિયાના સૌથી મોટી મસાલા પેઈન્ટિંગ તરીકે નોંધ લીધી છે. આ કલાકૃતિ 27 જાન્યુઆરી 2026ના રોજ બનાવાઈ હતી, જેને હવે રેકોર્ડ્સમાં સ્થાન મળ્યું છે. આ કલાકૃતિનો ઉદ્દેશ્ય કળાના માધ્યમ દ્વારા ભારતના મસાલા વારસાને વૈશ્વિક નકશા પર રજૂ કરવાનો હતો. અગાઉ આ રેકોર્ડ કેનેડાના સરે શહેરનાં ભારતવંશી કલાકાર પ્રીતિ વિજયના નામે હતો. તેમણે હળદર અને મરચાની મદદથી 84.39 ચોરસ મીટરનું પતંગિયાનું પેઈન્ટિંગ બનાવ્યું હતું.
