અમેરિકા તાઇવાનને આધુનિક યુદ્ધ ટેંકો, મિસાઈલો આપશેઃ ચીન લાલઘુમ

બેઈજિંગઃ અમેરિકા પોતાના સહિયોગી દેશ તાઇવાનને હથિયારો વેચવા જઇ રહ્યું છે જેને પગલે ચીન ચિડાયું છે. કેમ કે તાઇવાન દક્ષિણ ચીન સમુદ્રમાં ચીને જે ઘુસણખોરી કરીને કબજો કરી લીધો છે તેનો વિરોધ કરી રહ્યું છે. આ પરિસ્થિતિ વચ્ચે એવા અહેવાલો છે કે અમેરિકા અને તાઇવાનની મિત્રતા વધી રહી છે અને હવે અમેરિકા પોતાના આ મિત્ર દેશને યુદ્ધ હથિયારો પૂરા પાડવા લાગ્યું છે. તેથી હવે ચીને અમેરિકાને ચેતવણી આપી છે કે તે તાઇવાનને કોઇ પણ પ્રકારના હથિયારો ન વેચે કે મદદ ન કરે. અમેરિકા અને તાઇવાન વચ્ચે ૨.૨ બિલિયન ડોલરની ડીલ થઇ છે, જેના બદલામાં અમેરિકા તાઇવાનનો મોટા પાયે હથિયારો પૂરા પાડશે. જો અમેરિકા તાઇવાનને હથિયારો આપે તો તે મજબૂત બની જશે તેથી ચીન વિરોધ કરવા લાગ્યું છે.