ગ્રીસમાં રેફ્રરિજરેટેડ ટ્રકમાંથી ૪૦ ગેરકાયદે માઇગ્રન્ટ મળી આવ્યા

થેસ્સાલોનિકીઃ ઉત્તર ગ્રીસમાં એક રેફ્રિજરેટરેડ ટ્રકમાંથી ૫૧ માઇગ્રન્ટ જીવિત મળી આવ્યાનું ચોથી નવેમ્બરે સ્થાનિક પોલીસે જણાવ્યું છે. પોલીસે ટ્રકના ડ્રાઇવરની ધરપકડ કરી લીધી છે. અફઘાન મૂળના આ માઇગ્રન્ટની તબિયત સારી છે. જો કે તે પૈકી સાત લોકોને હોસ્પિટલમાં પ્રાથમિક સારવાર આપવામાં આવી હતી. પોલીસ સૂત્રોના જણાવ્યા અનુસાર ટ્રકમાં પુરુષો અને છોકરાઓ હતાં. આ લોકોની રાષ્ટ્રીયતાની ઓળખ કરાઈ રહી છે. ડ્રાઇવરની ઓળખ જયોર્જિયાના વતની તરીકે કરવામાં આવી છે. ઉલ્લેખનીય છે કે ગયા મહિને બ્રિટનમાં રેફ્રીજરેટરેડ ટ્રકમાંથી વિયેતનામના ૩૯ નાગરિકોના મૃતદેહો મળી આવ્યા હતાં. આ ઉપરાંત તાજેતરમાં અન્ય ૩૧ પાકિસ્તાની માઇગ્રન્ટ ફ્રાન્સ-ઇટાલીની સરહદેથી મળી આવ્યા હતાં. તેઓ એક ટ્રકમાં છુપાઇને બેઠા હતાં.