કાઠમંડુ: નેપાળમાં સંસદ અને પ્રાંતીય સરકારોની બેઠકો માટે યોજાયેલી ઐતિહાસિક ચૂંટણીનાં પરિણામો સામે આવી રહ્યા છે. સંસદની ૩૦ બેઠકોના જાહેર થયેલાં પરિણામે પૈકી ૨૬ બેઠકો પર ડાબેરી મોરચો અને ૩ બેઠકો પર નેપાલી કોંગ્રેસના ઉમેદવારનો વિજય થયો છે. સીપીએન-યુએમએલ પક્ષે ૧૮ બેઠકો અને સીપીએમ માઓવાદીના ફાળે ૮ બેઠકો ગઈ છે. ત્રણ બેઠકો વિરોધપક્ષ નેપાળી કોંગ્રેસને ફાળે ગઈ છે. એક બેઠક અપક્ષને ફાળે ગઈ છે. નેપાળનું પ્રતિનિધિગૃહ ૨૭૫ સભ્યોનું બનેલું છે. તે પૈકી ફર્સ્ટ-પાસ્ટ-ધ પોસ્ટ સિસ્ટમ હેઠળ ૧૬૫ પ્રિતનિધિ ચૂંટાતા હોય છે અને બાખીના ૧૧૦ પ્રતિનિધિ પ્રપોર્શનલ પ્રતિનિધિત્વ મુજબ સભ્યપદ મેળવતા હોય છે.