નોર્થ કોરિયા પ્લેગ જેવી ઘાતકી બીમારીના જીવાણુયુક્ત બોંબ બનાવે છેઃ યુએસ રિપોર્ટ

વોશિંગ્ટનઃ ઉત્તર કોરિયા તેના પરમાણુ કાર્યક્રમને સતત વધારી રહ્યું છે ત્યારે અમેરિકી થિંકટેન્ક બેલ્ફર સેન્ટર દ્વારા આશંકા જાહેર કરાઈ છે કે કિમ જોં ઉન બીમારીઓ ફેલાવવા બાયોલોજિકલ બોંબ પણ બનાવી રહ્યા છે. રિપોર્ટ અનુસાર મોટાભાગના દેશો ઉત્તર કોરિયાના પરમાણુ કાર્યક્રમ પર ધ્યાન કેન્દ્રિત કરીને બેઠા છે ત્યારે તેમના બાયોલોજિકલ પ્રોગ્રામ પર પણ ધ્યાન આપવું જરૂરી છે. ઉત્તર કોરિયા પ્લેગ અને શીતળા સહિત અન્ય ગંભીર બીમારી ફેલાવતા જૈવિક બોંબ બનાવતું હોય તેવી શક્યતા છે. ગુપ્તચર ઉત્તર કોરિયામાં ૩ બાયોલોજિકલ વેપન પ્રોડકશન યુનિટનો દાવો કરાયો છે.