ફ્લાઈદુબઈનું પ્લેન હાઈજેક થવાની અણી પર હતું. ભારતીય પાઇલટ સ્મિત મચ્છરે હિંમત દેખાડી અને કોકપીટનો દરવાજો ખોલ્યો. દરવાજો ખોલતાંની સાથે જ ઈઝરાયેલના એક પ્લમ્બરે બાજી સંભાળી. અને હુમલાખોર કો-પાયલોટનો મજબૂતીથી સામનો કર્યો. તેને પરાસ્ત કર્યો. આ હિંમત કંઈ એક દિવસમાં નહોતી આવી. ઈઝરાયેલ સરકાર દ્વારા બે વર્ષ સુધી આર્મીની ટ્રેનિંગ દરેક નાગરિક માટે ફરજિયાત હોય છે. આ પીપલ્સ આર્મીની ટ્રેનિંગની મસલ મેમરી એવા સમયે કામે લાગી જ્યારે તેની તાતી જરૂર હતી. આ ઘટના બાદ સોશિયલ મીડિયા સાઈટ્સ પર ફરજિયાત આર્મી ટ્રેનિંગની ચર્ચાઓ શરૂ થઈ ગઈ છે. બીજી તરફ, ઈઝરાયેલના પીએમે પ્લમ્બરને ભેટીને તેનું સ્વાગત કર્યું હતું. તેની હિંમતને બિરદાવી હતી.
