• અરુણાચલ પ્રદેશના તવાંગમાં સેલામાં ૧૯મીથી શરૂ થયેલા બરફનાં તોફાનોમાં ફસાયેલા ૧૨૭ પર્યટકોનો જીવ સેનાએ બચાવ્યો છે.
• પાકિસ્તાનમાં લાપતા થયેલા ખાદિમ આસિફઅલી નિજામી અને તેમના ભત્રીજા નાઝિમઅલી નિઝામી સોમવારે ભારત પાછા ફર્યા.
• દિલ્હીના ઉપહાર સિનેમાના આગના બનાવમાં સિનેમામાલિક ગોપાલ અંસલને સુપ્રીમે આદેશ કરતાં તે વીસમીએ તિહાર જેલમાં શરણે થયો.
• ઈડીએ રૂ. ૨૦૦ કરોડના મની લોન્ડરિંગ કેસમાં ઇસ્લામિક રિસર્ચ ફાઉન્ડેશનના ઝાકીર નાઇકની રૂ. ૧૮.૩૭ કરોડની સંપત્તિ જપ્ત કરી.
• બસપાના નેતા મહોમ્મદ શમીની રવિવારે ગોળી મારીને હત્યા બાદ સમર્થકોએ પોલીસ વિરુદ્ધ નારેબાજી કરી.
• યુપીમાં કોંગ્રેસની હાર પછી કોંગ્રેસના વ્યૂહરચનાકાર પ્રશાંતકિશોરને શોધી લાવનાર માટે રૂ. ૫ લાખનું ઈનામ ઘોષિત કરતા પોસ્ટર્સ લાગ્યાં.
• ૧૯મીએ આગરા કેન્ટ રેલવે સ્ટેશન પાસે કચરાના ઢગલામાં અને એક પ્લમ્બરનાં ઘર પાસે એમ બે વિસ્ફોટ થયા. જાનહાનિ નહીં.
• ચંડીગઢ નજીક માનેસર મારુતિ સુઝુકી પ્લાન્ટમાં થયેલા રમખાણના કેસમાં ૧૮મીએ ૧૩ આરોપીને આજીવન કેદની સજા થઈ.
• જમ્મુ કાશ્મીર લિબરેશન ફ્રન્ટનાં પ્રમુખ યાસિન મલિકે ૧૭મીએ શ્રીનગર અને અનંતનાગ લોકસભા બેઠકની પેટાચૂંટણીમાં ભાગ નહીં લેવા મતદારોને ઉશ્કેરતાં તેની ૧૮મીએ ધરપકડ.
• રાજસ્થાનના બારમેરમાં ૧૫મી માર્ચે એરફોર્સનું એક સુખોઇ વિમાન તૂટી પડયું હતું. જેના કારણે ત્રણ ગ્રામ્ય લોકો ઘાયલ થયા હતા.
• ફોર્બ્સ મેગેઝિનનો વિશ્વના અબજોપતિઓ અંગેનો ૩૧મો વાર્ષિક અંક બહાર પડી ચૂક્યો છે. ચોથા વર્ષે પણ બિલ ગેટ્સ પ્રથમ સ્થાને છે.
• હેલ્થ એન્ડ હ્યુમન સર્વિસીસના સેક્રેટરી ટોમ પ્રાઈઝના કથિત કૌભાંડની તપાસ કરતા ભારતીય અમેરિકન એટર્ની પ્રીત ભરારાને ટ્રમ્પ એડમિનિસ્ટ્રેશને પાણીચું આપ્યું.