લંડનઃ 1 સપ્ટેમ્બરથી શાળાઓમાં વિદ્યાર્થીની હાજરી અંગે નવા નિયમો અમલી બની રહ્યાં છે. જેના ઉલ્લંઘન માટે વાલીને 160 પાઉન્ડનો દંડ થઇ શકે છે. એજ્યુકેશન ડિપાર્ટમેન્ટના આંકડા અનુસાર વર્ષ 2025-26 દરમિયાન શાળાઓમાં વિદ્યાર્થીઓની ગેરહાજરીનો સરેરાશ દર વધીને 6.93 ટકા થયો છે.
હાજરી સુધારણાની નવી યોજના અને 1 સપ્ટેમ્બરથી અમલી બનનારા નવા નિયમો હેઠળ શાળાઓને હાજરી માટેના ચોક્કસ લક્ષ્યાંકો સોંપવામાં આવશે, અને શિક્ષણ મંત્રાલય તેમની પ્રગતિ પર ઝીણવટભરી નજર રાખશે.
લગભગ પાંચમાંથી એક વિદ્યાર્થીએ શાળાના કુલ દિવસોમાંથી ઓછામાં ઓછા ૧૦ ટકા દિવસોમાં ગેરહાજરી નોંધાવી છે. તેના જવાબરૂપે, લેબર પાર્ટીની સરકાર હેઠળ, ઇંગ્લેન્ડની દરેક મુખ્ય પ્રવાહની સ્ટેટ સ્કૂલને હવે તેની પોતાની વ્યક્તિગત હાજરી સુધારણા ટાર્ગેટ આપવામાં આવશે.
