2026થી સ્ટેટ પેન્શન એજ 67 વર્ષ કરવાનો તબક્કાવાર પ્રારંભ

લંડનઃ 2026થી પુરુષો અને મહિલાઓ માટેની સ્ટેટ પેન્શન એજ 67 વર્ષ કરાશે. હાલમાં સ્ટેટ પેન્શન એજ 66 વર્ષ છે. 2026થી 2028 વચ્ચે થનારો આ બદલાવ પેન્શન એક્ટ 2014 અંતર્ગત કરાયો છે. 6 એપ્રિલ 1960ના રોજ જન્મેલા લોકોને 66 વર્ષ અને 1 મહિનાની વયથી પેન્શન મળશે. 6 માર્ચ 1961ના રોજ જન્મેલા  લોકોને 67 વર્ષની વયથી પેન્શન મળવાનું શરૂ થશે. આમ સરકાર તબક્કાવાર આ બદલાવ લાગુ કરવા જઇ રહી છે. સરકાર સ્ટેટ પેન્શન એજ વધારીને 68 વર્ષ સુધી લઇ જવા ઇચ્છે છે.