5474 ભારતીયો દ્વારા રાજ્યાશ્રયની અરજી, ફક્ત 20ને રાજ્યાશ્રય અપાયો

લંડનઃ હોમ ઓફિસના આંકડા અનુસાર વર્ષ 2024માં 293 ભારતીય નાગરિક નાની હોડી દ્વારા ઇંગ્લિશ ચેનલ પાર કરીને યુકે પહોંચ્યા હતા. વર્ષ 2025માં જાન્યુઆરીથી જૂન મહિનાના સમયગાળામાં આ રીતે બ્રિટન પહોંચનારા ભારતીય નાગરિકની સંખ્યા 206 રહી છે. જૂન 2025માં પૂરા થયેલા છેલ્લા એક વર્ષમાં યુકેની બોર્ડર પોસ્ટ પર ગેરકાયદેસર રીતે આવનારા વિદેશીઓમાં ભારતીયોની સંખ્યા 15 ટકા રહી હતી. આ સમયગાળામાં 5474 ભારતીયો દ્વારા યુકેમાં રાજ્યાશ્રય માટે અરજી કરાઇ છે. જેમાં 4000 ભારતીયો યુકેમાં મુખ્યત્વે સ્ટડી વિઝા પર આવ્યા હતા. આ સમયગાળામાં 2691 ભારતીયોની રાજ્યાશ્રયની અરજી નકારી કઢાઇ હતી જ્યારે ફક્ત 20ને રાજ્યાશ્રય અપાયો છે.