અસાયલમ સિસ્ટમનો દુરુપયોગ કરતા લૉયર્સ સામે આકરા પગલાંની માહમૂદની ચેતવણી

લંડનઃ હોમ સેક્રેટરી શબાના માહમૂદે ચેતવણી આપી છે કે અસાયલમ સિસ્ટમનો દુરુપયોગ કરી રહેલા લૉયર્સ સામે આકરા કાયદાકીય પગલાં લેવાશે. માહમૂદે જણાવ્યું હતું કે, અન્ય દેશોમાં સતાવણીના કારણે નાસીને આવેલા લોકોને અપાતા સંરક્ષણનો ગેરલાભ ઉઠાવનારા અવમાનના કરી રહ્યાં છે. હું સ્પષ્ટ કરવા માગુ છું કે, યુકેમાં રહેવા માટે જો તમે બ્રિટિશ જનતા સાથે છેતરપિંડી કરશો તો તમારા રાજ્યાશ્રયના દાવા નકારી કઢાશે, તમને અપાતી સહાય બંધ કરી દેવાશે અને તમને દેશનિકાલ કરવામાં આવશે. આ પ્રકારના દુરુપયોગમાં સાથ આપનારા લૉયર્સ સામે પણ આકરા કાયદાકીય પગલાં લેવાશે.