લંડનઃ સરકારી આંકડા અનુસાર જુનિયર સરકારી કર્મચારીઓ દ્વારા કરાતા 66 ટકા કામ આર્ટિફિશિયલ ઇન્ટેલિજન્સની મદદથી પાર પાડી શકાય છે. સરકારને આશા છે કે રોજિંદી કામગીરી માટે નવી ટેકનોલોજીના ઉપયોગથી પ્રતિ વર્ષ 36 બિલિયન પાઉન્ડની બચત કરી શકાશે.
ચાન્સેલર રેચલ રીવ્ઝે આગામી 4 વર્ષમાં સરકારી સેવાઓના ખર્ચમાં 15 ટકાનો ઘટાડો કરવાનો લક્ષ્યાંક નક્કી કર્યો છે. ચાન્સેલર 50,000 સરકારી નોકરીઓ ઘટાડવાની તરફેણમાં છે તેનો અર્થ એ થયો કે વ્હાઇટહોલ સ્ટાફના પ્રતિ 10માંથી 1ની નોકરી જશે.
સાયન્સ એન્ડ ટેકનોલોજી ડિપાર્ટમેન્ટનું માનવું છે કે જુનિયર સરકારી કર્મચારીઓ દ્વારા કરાતાં 62 ટકા કામ રૂટિન છે. એક્ઝિક્યુટિવ અધિકારીઓ દ્વારા કરાતાં 48 ટકા કામ પણ રૂટિન પ્રકારના છે.
