લંડનઃ ઇવિંગટનમાં 5 ઓક્ટોબર 2025ના રોજ હાઉસમેટની હત્યા કરનારા અમૃતપાલ સિંહને લેસ્ટર ક્રાઉન કોર્ટે બે સપ્તાહની સુનાવણી બાદ દોષી ઠેરવ્યો છે. 5 ઓક્ટોબર 2025ના રોજ અમૃતપાલ સિંહે તેના હાઉસમેટ 32 વર્ષીય અમિત કુમારની હત્યા કરી નાખી હતી. આ ઘરમાં અન્ય બે વ્યક્તિ પણ તેમની સાથે રહેતા હતા.
રાતના 1 વાગ્યે અમૃતપાલ અવાજ કરી રહ્યો હોવાથી કુમારે આવીને તેને ટોક્યો હતો. જેના કારણે બંને વચ્ચે બોલાચાલી થઇ હતી. આ સમયે સિંહ શરાબ અને ડ્રગના નશામાં હતો અને તેણે કુમારને ચાકુ મારી દીધું હતું. અદાલત 15 એપ્રિલે સજાની સુનાવણી કરશે.
