ઈયુમાં બ્રિટિશ સભ્યપદનો ઈતિહાસ

બ્રિટને આખરે યુરોપિયન યુનિયનનું સભ્યપદ છોડી દીધું છે. જોકે, ઈયુની સ્થાપનાના પગરણ છેક ૧૯૫૧થી મંડાયા હતા.

૧૯૫૧ – કોમન માર્કેટના છડીદાર તરીકે યુરોપિયન કોલ એન્ડ સ્ટીલ કોમ્યુનિટીની રચના

૧૯૫૭ – યુરોપિયન ઈકોનોમિક કોમ્યુનિટી (EEC)ની સ્થાપના માટે રોમ સંધિ પર હસ્તાક્ષર

૧૯૬૦ – બ્રિટને અન્ય છ દેશો સાથે મળી યુરોપિયન ફ્રી ટ્રેડ એસોસિયેશનની રચના કરી

૧૯૬૧- બ્રિટને EECમાં જોડાવા અરજી કરી

૧૯૭૩ – ફ્રાન્સના પ્રમુખ દ‘ગોલ દ્વારા બે વખત અટકાવાયા પછી બ્રિટન EECમાં જોડાયું

૧૯૭૪ – લેબર પાર્ટીની EECના સભ્યપદની પુનઃવિચારણા અને રેફરન્ડમની પ્રતિબદ્ધતા વ્યક્ત

૧૯૭૫ – બ્રિટને ૬૬ વિરુદ્ધ ૩૩ ટકા મતથી EECમાં રહેવાની તરફેણ કરી

૧૯૭૭ - લેબર રાજકારણી રોય જેન્કિન્સ યુરોપિયન કમિશનના પ્રમુખ બન્યા.

૧૯૭૯ – યુરોપિયન પાર્લામેન્ટની પ્રથમ સીધી ચૂંટણી. સિંગલ કરન્સી તરફ પ્રથમ પગલારુપે યુરોપિયન મોનેટરી સિસ્ટમની રચના. બ્રિટને નહિ જોડાવાનો વિકલ્પ ખુલ્લો રાખ્યો

૧૯૮૩ – કોમન માર્કેટ છોડવા લેબર પાર્ટીનો પ્રચાર પરંચુ, ચૂંટણીમાં પરાજય

૧૯૮૪ – માર્ગારેટ થેચરે યુરોપમાં બ્રિટિશ બજેટરી યોગદાનમાં રીબેટ મેળવ્યું

૧૯૯૦ – પાઉન્ડ યુરોપિયન એક્સચેન્જ રેટ મિકેનિઝમ (ERM)માં સામેલ

૧૯૯૨ – માસ્ટ્રીટ સંધિ સાથે યુરોપિયન યુનિયનની રચના. પાઉન્ડ ERMમાંથી બહાર

૧૯૯૫ – સરહદવિહોણા પ્રવાસની સ્કેન્જેન સંધિનો અમલ

૧૯૯૭ – યુરોમાં બ્રિટનના જોડાવાની શક્યતા નકારાઈ

૧૯૯૯ – યુરોપીય પાર્લામેન્ટ ચૂંટણીમાં પ્રમાણસર બ્રિટિશ પ્રતિનિધિત્વ

૨૦૦૨ – ૧૨ દેશમાં યુરો નોટ્સ અને કોઈન્સનો ચલણમાં પ્રવેશ

૨૦૦૯- લિસ્બન સંધિથી યુરોપીય પાર્લામેન્ટની સત્તામાં વધારો. યુરોઝોન દેવાં કટોકટી

૨૦૧૧ – યુકેમાં યુરોપિયન યુનિયન એક્ટ દાખલ. ઈયુને સત્તા સોંપણી અગાઉ રેફરન્ડમની જોગવાઈ

૨૦૧૩ – વડા પ્રધાન કેમરને ભાવિ ટોરી સરકાર દ્વારા ઈયુ સભ્યપદ મુદ્દે રેફરન્ડમની ખાતરી ઉચ્ચારી

૨૦૧૬- કેમરને ઈયુ રેફરન્ડમ યોજતા ઈયુ છોડવાની તરફેણમાં ૫૧.૯ અને રહેવા માટે ૪૮.૧ ટકા મત પડ્યા. કેમરને રાજીનામું આપતા તેમના વારસદાર થેરેસા મેએ ઈયુ છોડવા વાટાઘાટો આદરી